Nis shitja e biletave për ndeshjen Kosovë-Shqipëri

Federata Shqiptare e Futbollit, njofton të gjithë të interesuarit se kanë dalë në shitje biletat e ndeshjes miqësore Kosovë-Shqipëri, që do të zhvillohet në datën 29 maj ora 20:00 në stadiumin Letzigrund-Badenerstrasse, në qytetin e Cyrihut në Zvicër, përcjell albinfo.ch.

Të gjithë sportdashësit kanë mundësi ta ndjekin nga afër këtë miqësore vëllazërore, duke i blerë biletat në adresën online, starticket.ch.

Shitja e biletave do të fillojë sot, datë 18 maj 2018,  në orën 15:00, ku në atë kohë linku i biletave do të jetë funksional, derisa çmimi nuk është bërë i ditur ende.

Në këtë ndeshje pritet që një numër i madh i bashkatdhetarëve të përkrahin ekipet shqiptare dhe kanë mundësi t’i shohin nga afër.

Linku për të blerë biletën: tickets: Kosovo vs Albanien in Letzigrund Zürich