Aeroporti i Shkupit josh kosovarët

“TAV Maqedonia” i ka ofruar bashkëpunim afatgjatë agjencive turistike dhe kompanive kosovare dhe shërbime sa më cilësore

Kompania turke “TAV” që menaxhon aeroportin “Aleksandri i Madh” në Shkup dhe Aeroportin e Ohrit ka promovuar kapacitet e saj në Prishtinë dhe Vranjë për të tërhequr udhëtarët e Kosovës dhe Serbisë, kryesisht pjesës jugore.

Drejtori i përgjithshëm i kësaj kompanie, Zoran Krstevski dhe menaxheri Zafer Meshe kanë qëndruar këtyre ditëve në Prishtinë dhe Vranjë për të prezantuar mundësitë që ofron Aeroporti i Shkupit, në tentim për të tërhequr më shumë udhëtarë nga Kosova, raporton INA.

“TAV Maqedonia” i ka ofruar bashkëpunim afatgjatë agjencive turistike dhe kompanive kosovare dhe shërbime sa më cilësore, duke qenë si prioritet çmimet e lira të udhëtimeve drejt destinacioneve evropiane.