Integrimi

Nxënësit francezë të vendosur për t`i përkrahur shokët e tyre shqiptarë

"Jo, jo, jo dhe sërish JO dëbimit". Kjo ishte motoja e nxënësve të Shkollës së mesme "Rabelais", të cilët kanë defiluar për plot dy orë nëpër rrugët e Saint-Brieuc, pasidten e së enjtes

E enjte, 24 Maj 2018 - 20:15 albinfo.ch

Një protestë e re që ka tubuar 500 persona është organizuar në Shkollën e mesme “Rabelais” në Saint-Brieuc të Francës, për të kundërshtuar dëbimin e një nxënësi shqiptar. Mobilizimi i banorëve është shtuar gjithnjë e më shumë. Protesta është vendosur para komunës, e cila nuk ka pranuar të prononcohet lidhur me ngjarjen.

“Jo, jo, jo dhe sërish JO dëbimit”. Kjo ishte motoja e nxënësve të Shkollës së mesme “Rabelais”, të cilët kanë defiluar për plot dy orë nëpër rrugët e Saint-Brieuc, pasidten e së enjtes. Rreth 500 nxënës të shoqëruar nga profesorët e tyre, por edhe nga përfaqësuesit e sindikatës dhe të zgjedhurit të së majtës, kanë parakaluar në relacionin në mes të shkolës së tyre dhe komunës, në qendrën e qytetit në Saint-Brieuc.

Edhe para një muaji kishin dalur të protestojnë rreth 500 persona, kundër dëbimit të Aminës, shoqes së tyre shkollore. Kryebashkiaku i Cotes-d’Armor kishte nënshkruar një urdhër për tu larguar nga territori francez, e që ka të bëjë me familjen Sulejmani. Amina dhe vëllai i saj, Emiri, të cilët janë nxënës të klasës së pestë të kësaj shkolle, janë përshkruar si dy nxënës “të shkëlqyeshëm dhe të integruar mirë” nga shoqëruesit e tyre.

Urdhëri i tetorit të vitit 2016, për tu larguar nga territori francez, i ka tejkaluar kufinjtë familjarë. “Do t`i dëbojnë në drejtim të Shqipërisë, një vend i cili mund t`i bashkohet Bashkimit Europian viteve të ardhshëm. Kjo nuk ka kurrfarë kuptimi”, ka pohuar për “Ouest-France”, Didier Le Buhan, deputeti socialist nga Saint-Brieuc, transmeton Albinfo.ch.

Mesditën e së enjtes, një delegacion prej gjashtë nxënësve dhe profesorëve është pranuar nga nënbashkiaku. Por, asgjë të re. “Ne jemi të inkurajuar për të dëshmuar integritetin e familjes shqiptare përmes dokumenteve. Po na thonë se Gjykata është ajo që duhet të vendos, edhe pse vetë kryebashkiaku mund të zgjedhë nëse do të rishqyrtojë vendimin e tij”, kanë pohuar nga delegacioni.

Komuna nuk ka dashur të prononcohet lidhur me rastin.