Skuadra tjetër angleze pas Shaqirit

Stoke City ka rënë nga Premierliga, andaj pritet që anësori shqiptar të largohet nga kjo skuadër për rreth 13 milionë euro

Xherdan Shaqiri po vazhdon përgatitjet me Zvicrën për Kampionatit Botëror “Rusia 2018”, derisa shtohen numri i skuadrave të interesuara për të.

Tottenham Hostspur, Everton, Newcastle United, Southampton janë vënë pas Shaqirit, derisa së fundi po interesohet edhe West Ham United, përcjell albinfo.ch.

West Ham përfundoi sezonin në vendin e 13-të, por deri në fund ishte në zonën e rrezikshme për të rënë nga Liga. Për këtë arsye kjo skuadër dëshiron të përforcohet për sezonin e ardhshëm, dhe njëri nga futbollistët e kërkuar është Shaqiri.

Stoke City ka rënë nga Premierliga, andaj pritet që anësori shqiptar të largohet nga kjo skuadër për rreth 13 milionë euro.

Dukë marrë parasysh faktin se shumë skuadra janë vënë pas tij, vështirë të besohet se ai do të qëndrojë në Stoke City.