Ministri Lekaj deklarohet i pafajshëm në gjykatë

Sipas avokatit të Lekajt, Arianit Koci, Lekaj, në akuzën e Prokurorisë Speciale është deklaruar i pafajshëm, sikur edhe të akuzuarit e tjerë

Ministri i Infrastrukturës, Pal Lekaj, është paraqitur në Gjykatën Themelore të Gjakovës, ku është mbajtur seanca fillestare ndaj tij dhe 6 personave të tjerë në akuzën për keqpërdorim të detyrës zyrtare.

Sipas avokatit të Lekajt, Arianit Koci, Lekaj, në akuzën e Prokurorisë Speciale është deklaruar i pafajshëm, sikur edhe të akuzuarit e tjerë. Përveç keqpërdorimit të detyrës zyrtare, një prej të akuzuarve ngarkohet edhe për veprat penale mashtrim me subvencione dhe shmangie nga tatimi.

Vepra lidhet me kohën sa ministri Lekaj ishte kryetar i Komunës së Gjakovës. Seanca e ardhshme është caktuar më 2 korrik.