Vetëvendosje kundërshton vizitën e Nju Jorkut

Aktivistët e Vetëvendosjes kanë ekspozuar fotografitë e liderëve institucionalë, duke i akuzuar ata se me para të shtetit kanë bërë ekskursion në Nju Jork. Aktivistët e Lëvizjes Vetëvendosje kanë vazhduar me një performacë ndryshe, kundërshtimin e Qeverisë së Kosovës. Ata në qendër të Prishtinës, në Sheshin “Nënë Tereza” kanë ekspozuar disa fotografi të prera në […]

Aktivistët e Vetëvendosjes kanë ekspozuar fotografitë e liderëve institucionalë, duke i akuzuar ata se me para të shtetit kanë bërë ekskursion në Nju Jork.

Aktivistët e Lëvizjes Vetëvendosje kanë vazhduar me një performacë ndryshe, kundërshtimin e Qeverisë së Kosovës. Ata në qendër të Prishtinës, në Sheshin “Nënë Tereza” kanë ekspozuar disa fotografi të prera në formë të skulpturës të lidershpit kosovar duke i akuzuar për shpenzimet që i kanë bërë gjatë vizitës në Nju Jork.

Aktivistët e Vetëvendosjes me këtë mënyrë ka ekspozuar fotografitë e kryeministri Hashim Thaçi, zëvendëskryeministrit, Behgjet Pacolli, ministrit Enver Hoxhaj, presidentes Atifete Jahjaga etj, duke i akuzuar se me para të shtetit kanë bërë ekskursion në Nju Jork.

“Gjatë javës që kaloi në emër të përfaqësimit të dinjitetshëm në arenën ndërkombëtare, kryeministri vetë i pesëdhjeti ia mësyu Nju Jorkut… sipas llogarive, ky ekskursion buxhetit të Republikës së Kosovës i kushtoi rreth 200 mijë euro, mjete këto të cilat i takojnë qytetarëve”, thuhet në reagimin e Vetëvendosjes.

Ata konsiderojnë se Kosova ka nevojë për përfaqësim të dinjitetshëm nga njerëz të dinjitetshëm, të pakorruptuar dhe kompetent, e jo nga ministra të korruptuar dhe anëtarë të tjerë të delegacionit të cilët as vetë nuk e dinin qëllimin e kësaj vizite.

“Më mirë të themi se përveçse zhvatjes së mëditjeve të majme ku ekskursion nuk ka vlejtur për asgjë”, thuhet në reagim.

Sipas Vetëvendosjes, këto mjete mund të ishin shpenzuar për: 5000 ndihma sociale në Kosovë, apo 4445 pensione minimale, apo 1176 paga minimale në Kosovë, apo 222 bursa për studentë në Universitetin e Prishtinës, apo 1110 pensione për invalidë të UÇK-së.

Ndryshe, Vetëvendosje në disa mënyra po e kundërshton funksionimin e qeverisë së Kosovës. Që nga themelimi aktivistët e këtij subjekti që drejtohet nga Albin Kurti, kanë aplikuar dhjetëra performanca “artistike” për të kundërshtuar disa nga zhvillimet në vend, si UNMIK-un, negociatat, planin Ahtsiarit, privativin, decentralizimin etj.