Papa lutet arabisht

Vatikani ka njoftuar se në të ardhmen edhe arabishtja do të hyjë në mesin e gjuhëve, në të cilat do të flitet në audiencat e Papës

Papa Benedikti i XVI zgjeron spektrin e gjuhëve në të cilat kryen lutjet e tij javore. Ai ka vendosur që të fillojë të lutet edhe në gjuhën arabe, për të dërguar kështu fjalën e zotit edhe te njerëzit që flasin këtë gjuhë.

Kështu ai, veç tjerash, mendon të japë një sinjal përkrahjeje për besimtarët katolikë në botën arabe.

Në një fjalë të shkurtër gjatë audiencës së tij të përgjithshme javore të mbajtur të mërkurën, kreu i Kishës katolike tha: “Papa lutet për të gjithë njerëzit arabishtfolës. Zoti ju bekoftë të gjithëve”.

Në këtë kontekst, Vatikani ka njoftuar se në të ardhmen edhe arabishtja do të hyjë në mesin e gjuhëve, në të cilat do të flitetnë audiencat javore të Papës. Me këtë do të përkujtohen katolikët që të luten për paqen në Lindjen e Afërme.