Xhaka i lumtur me barazimin ndaj Brazilit

Granit Xhaka luajti për 90 minuta dhe u vlerësua me notën 6.2

Foto: Facebook

Zvicra e shqiptarëve e nisi mjaft mirë aventurën në Kupën e Botës “Rusi 2018, teksa barazoi me Brazilin, i cili është vlerësuar si favoriti kryesor për të fituar trofeun.

Vlerësim pozitiv për ndeshjen e djeshme edhe nga mesfushori shqiptar, Granit Xhaka, i cili në postimin e tij pas ndeshjes, ndihet krenar për startin e mirë. “Thamë se do të luftojmë dhe e bëmë këtë. Start i mirë në Kupën e Botës dhe krenar që e bëmë këtë për gjithë tifozët”, ka shkruar mesfushori shqiptar në “Facebook”, përcjell albinfo.ch.

Xhaka luajti për 90 minuta dhe u vlerësua me notën 6.2. Takimi përfundoi 1:1, derisa Zvicra ndeshjen e ardhshme do ta ketë ndaj Serbisë të premten.