Haradinaj rizgjidhet në krye të AAK-së

Në zgjedhjet e brendshme të AAK-së, u zgjodh sërish kryetar Ramush Haradinaj.

Kreu i AAK-së dhe kryeministri i Kosovës, Ramush Haradinaj, ashtu siç pritej është rizgjedhur në krye të partisë së tij pasi nuk ka pasur kundër kandidatë.

Ai u zgjodh me aklamacion në Kuvendin e VIII zgjedhor të Aleancës për Ardhmërinë e Kosovës. Haradinaj falënderoi delegatët për besimin e dhënë duke thënë se nuk do të ndalet asnjë herë së punuar për të mirën e Aleancës dhe Kosovës.

“Ju lus që të jemi bashkë ta ndihmojmë njëri tjetrin që ta rrisim Aleancën nga ky kuvend deri në zgjedhjet e ardhshme parlamentare dhe komunale. Unë nuk kam me u ndal, kam me punuar intensivisht që kam me shfrytëzuar krejt dijeninë e të gjitha ata mundësi e çdo kapacitet që ekziston në këtë vend që ta rrisim Aleancën bashkë. Urime, faleminderit”, ka thënë Haradinaj.