Zvicra investoi edhe në trafostacionin e Gjilanit

Investimi i fundit i qeverisë zvicerane kapë një shumë prej 10.5 milionë eurosh, të destinuara për ndërtimin e Trafostacionin “Gjilani 5”

Qeveria e Zvicrës nëpërmjet organizatave të veta në Kosova, edhe një herë tregoi përkushtimin e saj për përmirësimin e jetës të qytetarëve të Gjilanit. Investimi i fundit i qeverisë zvicerane kapë një shumë prej 10. 5 milionë eurosh, të destinuara për ndërtimin e Trafostacionin elektroenergjetik i njohur si “Gjilani 5”.

Sipas zyrtarëve të Komunës së Gjilanit, ky investim llogaritet më i madhi në rajonin e lindjes së Kosovës. Fadil Osmanit, menaxher në zyrën e projekteve në Gjilan, ka thënë për “RajoniPres” se investim vjen nga shteti zviceran dhe ka një kosto prej 10.5 milionë eurove.

Ndërsa, sipas Azem Mujkut, nga drejtoria e shërbimeve publike, ky investim e zgjidh problemin e furnizimit me energji elektrike për banorët e rrethit të Gjilnait dhe të vet qytetit . “Realisht ky trafostacion (110/20 KV) e stabilizon furnizimin me energji elektrike të Gjilanit për 50 vjetët e ardhshëm”, ka thënë ai.

Nga ky investim, sipas tij, tani e tutje Gjilani nuk mund të mbetet pa rrymë sepse i ka të hapura dhe të lidhura të gjitha nyjat përçuese prej nga mund të furnizohet me energji elektrike. Ky projekt i nisur në vitin 2008, pritet të kryhet brenda pak ditësh dhe të futet të funksion.