Barack Obama rizgjidhet në Shtëpinë e Bardhë

Barack Obama fitoi zgjedhjet presidenciale të SHBA-së përballë republikanit Mitt Romney

Në moshën 51-vjeçare, Obama u zgjodh për një mandat të dytë në krye të pushtetit botëror. Presidenti demokrat gëzoi mjaftë mbështetje nga shtetet kyç për të asgjësuar shpresat e zotit Romney.

Obama arriti të fitojë edhe në disa shtete, ku ishte më i kontestuar, siç ishin New Hampshire, Pensilvani, Michigan, Wisconsin dhe Ohio, sidomos në “Holy Grail”, sipas vlerësimeve të televizionit amerikan, shtete ku republikanët shpresonin të fitonin.

Fitorja e Obamës është, megjithatë, më e ngushtë se në vitin 2008, kur ai kishte dominuar kundër John McCain. Z. Romney fitoi në anën e tij shtete ku Obama kishte fituar katër vjet më parë: Carolina (në juglindje) dhe Indiana (në qendër).

Obama, presidenti i parë me ngjyrë i Shteteve të Bashkuara, erdhi në pushtet katër vjet më parë me sloganin e “shpresës” dhe “ndryshimit”. Ai arriti të bindë shumicën e bashkatdhetarëve të tij, duke pohuar se ishte i vendosur për të udhëhequr për katër vjet të tjera SHBA-në, pavarësisht rezultateve ekonomike.

Që nga viti 1930 një president amerikan nuk ishte rizgjedhur me një normë papunësie mbi 7.2%. Vetëm një demokrat, Bill Clinton, pati fituar dy mandate me radhë që nga fundi i Luftës së Dytë Botërore.

Orët e gjata të pritjes

Presidenti amerikan, Barak Obama, uroi Mitt Romney për “fushatën e tij me entuziazëm”. Pas disa muajve të fushatës të pamëshirshme, ai ka treguar një gatishmëri për të punuar me rivalin e tij republikan për të “çuar vendin përpara”. “Për Shtetet e Bashkuara të Amerikës më e mira do të arrijë në të ardhmen”, tha presidenti demokrat para mbështetësve të tij të mbledhur në Çikago.

Mitt Romney ka pranuar humbjen para përkrahësve të tij. Republikani tha se kishte thirrur presidentin Barak Obama për “ta përgëzuar” për fitoren e tij. “Ne kemi dhënë të gjitha gjatë kësaj fushate”, tha kandidati Romney para mijëra mbështetësve në Boston, të cilët i falënderoi.