Nuk ndalen azilkërkuesit nga Ballkani

Fluksi i azilkërkuesve në Gjermani është rritur për 49 për qind gjatë muajit tetor në krahasim me muajin e kaluar

Kërcënimi i Brukselit për pezullimin e vizave për Serbinë e Maqedoninë për shkak të numrit të madh të azilkërkuesve si duket nuk ka dhënë rezultate.Fluksi i azilkërkuesve në Gjermani është rritur për 49 për qind gjatë muajit tetor në krahasim me muajin e kaluar.Shumica e kërkesave për azil vijnë nga shtetasit e vendeve të Ballkanit, sidomos nga Serbia dhe Maqedonia, citon Ministrinë e Brendshme të Gjermanisë “Sueddeutsche Zeitung”.Numri i azilkërkuesve nga vendet e Ballkanit është rritur në mënyrë drastike.　Me rritjen prej 49 për qind në krahasim me muajin shtator, numri i përgjithshëm i kërkesave për azil në Gjermani arriti në 9950.　Më shumë se dy të tretat e azilkërkuesve janë qytetarë të Serbisë, Maqedonisë, Bosnjës dhe nga Kosova.　Nga 505 këkesat e miratuara për azil në tetor, asnjë nuk ishte nga këto katër vende.Në muajin e fundit është rritur sidomos numri i azilkërkuesve nga Serbia dhe Maqedonia.　Nga 496 kërkesa të paraqitura për azil në gusht nga qytetarët e Serbisë, në shtator numri arriti në 1395, ndërsa në tetor ky numër mbërriti në　2673.Nga Maqedonia azil kërkuan gjatë gushtit në Gjermani 620 qytetarë, në shtator 1040, ndërsa në tetor 1351.Ministri i Brendshëm gjerman, Hans-Peter Friedrich, ka folur vazhdimisht për “abuzim me të drejtën e azilit.”　Ai thotë se duhet të ketë një mekanizëm me të cilin Bashkimi Evropian do të heqë liberalizimin e vizave për këto vende.　Gjermania tashmë ka paraqitur një kërkesë në Bruksel, shkruan “Sueddeutsche Zeitung”.