Anulohen dy aeroplanë për kthimin e azilkërkuesve

Për shkak të mungesës së parave, dy fluturime janë shlyer nga lista e prioriteteve, raporton Qeveria belge

Qeveria e Belgjikës ka anuluar riatdhesimin e disa personave për mungesë të mjeteve të destinuara për këtë çështje. Merret vesh se dy aeroplanë që ishin destinuar për rikthimin e azilkërkuesve, njëri në Tiranë e tjetri në Londër, ishin anuluar pasi që Qeveria e këtij shteti nuk kishte ndarë mjete për të mbuluar rikthimin në vendlindje.Dy aeroplanë të Ministrisë së Mbrojtjes të Belgjikës, siç raporton agjencia INA e Shkupit, është dashur që javën e kaluar njëri të fluturoj në Shqipëri dhe tjetri në Londër. “Për shkak të mungesës së parave, këto dy fluturime janë shlyer nga lista e prioriteteve, pasi Qeveria nuk kishte ndarë një shumë e cila do mbulonte fluturimet e tilla”, thuhet në një njoftim.Reagimet nga mediat belge, siç thuhet, kanë shtyrë Ministrinë që të jep një komunikatë mbi këtë çështje.“Nga Ministria është informuar se me të vërtetë Enti për Azil ka për detyrë dhe të drejtën të komandoj aeroplanët e Armatës për ekstradimin e azilantëve, por edhe ky ent është i obliguar që të paguaj mjetet e harxhimeve në llogari të Armatës”, thuhet në raport. Shuma për një fluturim në Shqipëri arrin në 5.000 euro.Sipas informatave që ka publikuar INA, për në Shqipëri janë gjithsej 8 persona ku 4 nga ta janë kosovarë, ndërsa 4 të tjerët janë nga Shqipëria. Për fluturimin në Londër është informuar se janë 2 shtetas nga Kosova, të cilët kishin hyrë në Belgjikë nga Britania e Madhe, ndërsa të tjerët janë refugjatë me origjinë nga Afrika.