Vlahutin: Grupe të caktuara kërcënuan në mënyrë konstante

Ambasadorja e Bashkimit Europan në Shqipëri, Romana Vlahutin ka thënë se sistemi i ri i gjyqësorit në Shqipëri tashmë është një realitet kushtetues.

Ambasadorja në largim e Bashkimit Europian në Shqipëri, Romana Vlahutin një intervistë për DW thotë se sistemi i ri i gjyqësorit në Shqipëri tashmë është një realitet kushtetues.

“Sfida më e madhe ishte padyshim antagonizmi i brendshëm  politik dhe interesat personale të grupeve, që në mënyrë konstante u përpoqën të kërcënojnë, bëjnë shantazh, të ulin dhe sulmojnë përpjekjet për reformat, qoftë kjo reforma në drejtësi, lufta kundër krimit të organizuar dhe korrupsionit, financat publike”, ka thënë ambasadorja.