Vuçiq flet hapur për ndarjen e Kosovës: Nuk mund të marrim më tepër

“Është më mirë të japësh diçka sesa mos marrësh asgjë”, tha presidenti serb. Për vite të tëra ndarja vlente si vija e kuqe nga BE dhe SHBA, pasi ajo mund të shërbente si casus belli për shtetet e tjera, si Bosnja dhe Maqedonia, përcjell albinfo.ch.

Keystone

Propozimi serb për të normalizuar marrëdhëniet me Kosovën mund të përfshijë edhe një linjë etnike ndarjeje mes hapësirës me shumicë serbe dhe asaj të dominuar nga shqiptarët, tha presidenti serb Aleksandar Vucic, shkruan “Bloomberg”.

“Është më mirë të japësh diçka sesa të mos marrësh asgjë”, tha presidenti një çështje që për vite të tëra vlente si vija e kuqe nga BE dhe SHBA, pasi ndarja e Kosovës mund të shërbente si casus belli për shtetet e tjera, si Bosnja dhe Maqedonia, përcjell albinfo.ch.

Rreth 120 mijë serbë jetojnë në Kosovë, shumica në veriun e saj. Ndarja e Kosovës kundërshtohet nga kisha serbe, e cila thotë se ndarja do t’u jepte shqiptarëve disa vende tepër të shenjta.

“A nuk e shohin ata se njerëzit tanë largohen nga atje”, vijoi më tej ai. “Sot, ne nuk kemi asnjë shansë të marrim më tepër”, pasi shtetet kryesore të BE-së dhe SHBA-ja kanë njohur pavarësinë e Kosovës.