Shtatë vjet nga vdekja e heroit Enver Zymberi

E lideri i Vetëvendosjes, Albin Kurti, në një postim në Facebook ka përkujtuar ditët pas vrasjes së Enver Zymberit, ndërsa ka treguar se babanë e tij e kishte takuar në burg.

Me rastin e përvjetorit të shtatë të rënies së Heroit të Kosovës, Enver Zymberi, liderët institucionalë kanë bërë homazhe te lapidari në kompleksin e Drejtorisë së Përgjithshme të Policisë në Prishtinë. Presidenti Hashim Thaçi, duke përkujtuar heroin Enver Zymberi, ka vlerësuar se në korrik të vitit 2011 i është dhënë fund idesë së Serbisë për ndarjen e Kosovës.

“Sot e kujtojmë heroin e Kosovës së lirë, Enver Zymberi, i cili ra heroikisht duke mbrojtur integritetin dhe sovranitetit e vendit tonë. Në korrikun e vitit 2011 i kemi dhënë fund idesë së Serbisë për ndarjen e Kosovës”, ka shkruar Thaçi. Ndërsa, kryeministri Haradinaj ka thënë se Enver Zymberi ra duke e mbrojtur Kosovën.

E lideri i Vetëvendosjes, Albin Kurti, në një postim në Facebook ka përkujtuar ditët pas vrasjes së Enver Zymberit, ndërsa ka treguar se babanë e tij e kishte takuar në burg.

“U stepa kur e pashë në televizor në krye të radhës së familjarëve që prisnin për ngushëllime. Ia kishin vrarë djalin, Enverin. Pranë arkivolit të të birit përshëndetej me policët e shumtë, të cilët e kishin humbur kolegun më të mirë e më trim të tyre. Shtatë vjet më vonë shënojmë edhe një përvjetor të vdekjes së policit dëshmor, Enver Zymberi, i cili u vra nga kriminelët serbë në veri të Kosovës. Enver Zymberi është hero i integritetit të Kosovës”, ka thënë Kurti.