Vera më e nxehtë në Zvicër që nga viti 1864

Temperaturat midis prill dhe korrikut të këtij viti ishin më të lartat në më shumë se 150 vjet.

Nga kjo rritet rreziku i zjarreve në pyje, derisa niveli i ujit në shumë lumenj dhe liqene ka rënë në një shkallë shqetësuese, shkruan “The Local”.

Vera e nxehtë gjithashtu ndikon në ekosistemet zvicerane, furnizimet, akullnajat dhe kafshët ujore, përcjell albinfo.ch.

Nivelet e ujërave nëntokësore janë zvogëluar edhe pse Zvicra ka rezerva të gjera. Gati 80 për qind e përdorimit të ujit zviceran për bujqësi, ujë të pijshëm dhe industri është me burim nga ujërat nëntokësore.

Nëse temperaturat e larta vazhdojnë edhe në javët e ardhshme, atëherë, kjo do të jetë me rrezik për akullin në Alpet. Gjithashtu në shumë kantone është ndaluar zjarri në natyrë për të shmangur zjarret e mëdha.

Kjo është vera më e nxehtë që nga viti 1864, derisa më e thata që nga viti 1921.