Kryetari i Preshevës reagon ndaj Kryetarit të PDSH-së për shkëmbim territoresh

Kryetari i Luginës së Preshevës ka reaguar ndaj deklaratave të kryetarit të PDSH-së, Ragim Mustafa, për shkëmbim territoresh.

Kryetari i Partisë Demokratike Shqiptare të Luginës së Preshevës, Ragmi Mustafa, thotë se është pro që Leposaviqi e Zubin Potoku t’i jepen Serbisë, në shkëmbim me Luginën e Preshevës, që t’i bashkohet Kosovës.

Ndërsa kryetari i Preshevës, Shqiprim Arifi, ka shkruar se “Ragmi Mustafa cenon integritetin territorial të Republikës së Kosovës, madje ai është i gatshëm të bëjë kompromise me ndarje të Luginës së Preshevës. Meqë Ragmiu priorizon interesat e tij politike mbi ato kolektive dhe kombëtare shqiptare, atë e kanë të njohur mirë qytetarët e Komunës së Preshevës me rastin e Lapidarit të UÇPMB-së. Qëndrimet e pamatura të tij dëmtojnë interesin e Republikës së Kosovës dhe janë tentativë për lojëra politike me epilog disfatash për Luginën e Preshevës”, ka shkruar Arifi.