Policia jep detaje për aksionin simbolik të VV-së

Policia e Kosovës ka thënë se gjatë aksionit simbolik të Lëvizjes Vetëvendosje janë lënduar dhjetë polic.

Sot rreth orës 12:00, para stacionit policor Qendra në Prishtinë, janë paraqitur një grup i të rinjve, të cilët kanë hedhur ngjyrë në drejtim të stacionit policor si dhe në drejtim të zyrtarëve policor të cilët kanë qenë në detyrë zyrtare pran hyrjes së stacionit policor “Qendra” në DRP-Prishtinë.

Të rinjtë ishin aktivistë të Lëvizjes Vetëvendosje në mesin e tyre edhe deputetja e po të njëjtit subjekt, Saranda Bogujevci, shkruan Albinfo.ch.

“Referuar situatës  së krijuar dhe sulmeve ndaj objektit dhe zyrtarëve policor me gjësende të mbushura me ngjyrë, policia është detyruar të veprojë për  të vënë situatën nën kontroll, me    ç ‘rast ka arrestuar (8) tetë persona, prej tyre një deputete e lëvizjes vetëvendosje”, ka thënë PK.

Sipas policisë si rezultat i dhunës së shfaqur dhe gjuajtjes me gjësende të mbushura nga protestuesit, janë lënduar dhjetë  zyrtarë policor, të cilët kanë kërkuar trajtim mjekësor ku pesë prej tyre janë dërguar për tretman te mëtutjeshëm ne QKUK .

Prokurori kujdestar është ftuar në stacionin policor që t’i marr veprimet e tij konform ligjeve në fuqi dhe në bazë të  vendimit të tij shtatë persona janë dërguar në Qendrën e Ndalimit për 48 orë dhe rasti është inicuar Sulm ndaj personit zyrtar.

“Policia e Kosovës është institucion i zbatimit të ligjit dhe në të gjitha rastet veprimet e saj i ndërmerr konform Kushtetutës së Kosovës dhe ligjeve në fuqi, andaj edhe rastet e kësaj natyre i trajton me prioritet dhe përgjegjësi të plotë. Njoftojmë opinionin publik se Policia e Kosovës njeh të drejtën e qytetarëve për tubime publike, fjalën e lirë në protesta e manifestime, në pajtim me Kushtetutën e Republikës së Kosovës dhe ligjeve në fuqi, duke përfshirë edhe ligjin mbi tubimet publike që parasheh lajmërimin e protestës”, thuhet në fund të njoftimit.