Roja bregdetare shpëton dy vajza të mitura nga Kosova te Rana e Hedhun

Lucjano Marku shpëtoi dy vajzat nga Kosova, 14 dhe 15-vjeçare, pasi varka e tyre është përmbysur

Një tragjedi është parandaluar në Lezhë. Dy vajza nga Kosova janë shpëtuar nga mbytja në zonën e Ranës së Hedhun në Lezhë.

Vajzat 14 dhe 15 vjeçare janë shpëtuar nga rojat bregdetare në zonë.

Ngjarja ndodhi kur një grup të rinjsh po lundronin me varkë dhe nga numri i lartë i personave varka u përmbys jashtë zonës së sigurisë për notim.

Edhe pse në distance të largët vrojtuese Lucjano Marku arriti ti rikuperonte në kohë të dy vajzat që nuk dinin te notonin dhe ti nxirrte në breg duke rrezikuar jetën e tij, shkruan “OraNews”.

Ai tregoi se gjatë transportit të tyre kishte pire mjaft ujë duke u përpjekur që t’i mbante të dyja vajzat pa u fundosur, përcjell albinfo.ch.