Ahmeti reagon pas letrës së Elez Blakajt

Pas letrës së prokurorit Elez Blakaj ka reaguar edhe Kryetari i Komunës së Prishtinës, Shpend Ahmeti.

Kryetari i PSD-së dhe i Prishtinës, Shpend Ahmeti, ka reaguar pas letrës së prokurorit Blakaj në lidhje me rastin e veteranëve.

Ai ka thënë se ky rast është si duket definicioni i problemeve të shtetit tonë.

“Hajni e mashtrime në emër të luftës. Dëme buxhetore nga strukturat parapolitike të instaluara në çdo cep të shtetit tonë. Pronto paraqiste një fotografi të punësimeve dhe u gjykua si e tillë, pra përdorimi i autoritetit dhe pushtetit për punësime. Por, akuzat e fundit shpërfaqin problemin më të madh, të një gjyqësori në funksion të strukturave të kapura të shtetit. Fokusimi i rastit në vetëm një njeri i bën dëm kësaj çështjeje. Tani nuk duhet të ndalemi deri në hetimin e plotë të krejt rastit. Atëherë dhe vetëm atëherë do ta kuptojmë rrjetin, mashtrimet dhe dëmet reale për shtetin tonë”, ka thënë Ahmeti në reagimin e tij.