Krishtlindjet: Më shumë dashuri mes njëri-tjetrit

Albinfo.ch sjell fotografi nga meshët në Arau dhe Baden të kantonit Argau. Këtë mision e udhëheq Don Pren Kola

Besimtarë të krishterë shqiptarë në Zvicër, duke vijuar ritet e tyre fetare me rastin e Krishtlindjeve u lutën për më shumë paqe, mirësi, begati dhe për më shumë dashuri mes njëri-tjetrit.

Albinfo.ch sjell fotografi nga meshët në Arau dhe Baden të kantonit  Argau. Këtë mision e udhëheq Don Pren Kola.

Meshët ku marrin pjesë besimtarët e krishterë, të cilët jetojnë dhe punojnë në Zvicër mbahen në gjuhën shqipe.

Tri misione katolike në Zvicër janë në shërbim të besimtarëve të krishterë shqiptarë, misioni në Lucern, Argau dhe në Turgau

Krishtlindja është festë përmes së cilës përkujtohet lindja e figurës qendrore të krishterimit – Jezu Krishtit. Edhe pse hyn në radhën e festave katolike, Krishtlindja gjithashtu festohet nga një numër në rritje i jo të krishterëve në mbarë botën.