Skip to content

Cyrihu përgjysmon numrin e trotinetëve elektrikë, në qarkullim do të mbeten vetëm 3 mijë

Për shkak të problemeve me parkimin e çrregullt të trotinetëve elektrikë në hapësirat publike, autoritetet e qytetit të Cyrihut kanë vendosur të përgjysmojnë numrin e tyre. Në të ardhmen, shërbimin do ta ofrojnë vetëm tre kompani.

Qyteti i Cyrihut do ta reduktojë nga 6 mijë në 3 mijë numrin e trotinetëve elektrikë me qira që lejohen të qarkullojnë në qytet. Vendimi vjen pas ankesave dhe problemeve të vazhdueshme me trotinetët që lihen në mënyrë të parregullt në trotuare dhe hapësira të tjera publike, përcjell albinfo.ch.

Përveç kufizimit të numrit të mjeteve, autoritetet kanë vendosur që në të ardhmen shërbimet e marrjes me qira të trotinetëve elektrikë të ofrohen vetëm nga tri kompani.

Me këtë masë, qyteti synon të përmirësojë rendin në hapësirat publike dhe të kufizojë pengesat që krijohen për këmbësorët nga parkimi i pakontrolluar i këtyre mjeteve./Albinfo.ch