Qeveria do tu ndihmojë bujqve të Mamushës, pas dëmeve nga vërshimet

Pas ndarjes së fondit për Suharekën pas dëmeve pas vërshimeve, qeveria ndan fond emergjent edhe për Mamushën.

Kreu i ekzekutivit kosovar, Ramush Haradinaj,  i ka premtuar kryetarit të Komunës së Mamushës, Abdulhadi Krasniq dhe deputetët nga Partia Demokratike Turke e Kosovës, Fikrim Damka se do tu ndalin në ndihmë bujqve që pësuan dëmet nga reshjet e shiut.

“Kemi marr obligimin që sikur edhe për komunat tjera të prekura nga vërshimet, ashtu edhe për Mamushën të ndajmë një fond emergjent, kurse dëmet tjera në infrastrukturë dhe biznese, Qeveria do t’i marrë obligimet e veta në bazë të vlerësimit të ekspertëve të komunës, Ministrisë së Bujqësisë dhe asaj të Infrastrukturës”, tha kryeministri Haradinaj.