Mbetjet e kurbanëve hedhen në lumin Ibër!

Para tri ditësh u festua festa e Kurban Bajramit, një festë fetare për myslimanët. Kjo festë karakterizohet me therjen e kafshëve të caktuara për kurban.

Ashtu si në shumë vende të tjera të botës, edhe në Kosovë shumë kosovarë kanë therur kafshë për kurban.

Në lidhje me këtë, ka pasur shumë herë kritika për vendin e therjes së kafshëve për kurban, pasi ato theren në vende të papërshtatshme, me saktësisht, në rrugë dhe trotuar.

Por, kjo nuk mbaron me kaq. Kjo pasi pas therjes së kafshëve, mbetjet e kafshëve të therura hedhen në vende të papërshtatshme dhe jo të lejuara me ligj, në vende ku ndotin ambientin.

Siç shihet në foto, disa qytetarë i kanë hedhur mbetjet e kafshëve në lumin Ibër në Mitrovicë, përcjell albinfo.ch.

Kështu të paktën qarkullojnë disa fotografi në rrjetet sociale, derisa nuk kanë munguar edhe komentet e shumta, pasi nuk ndërmerret asgjë në këtë drejtim.