Arrestohet mërgimtari që kanosi gruan e tij

Foto ilustrim

Policia e Kosovës ka njoftuar se në Obiliq është arrestuar i dyshuari  mashkull, shqiptar shtetas i Belgjikës, i cili pas një mosmarrëveshje e kishte kanosë viktimën femër shqiptare shtetase e Belgjikës.

Ai është arrestuar pasi kërcënoi gruan e tij dhe pas intervistimit me vendim të prokurorit i dyshuari është dërguar në mbajtje, përcjell albinfo.ch.

Sipas burimeve, çifti ishte në prag të ndarjes, derisa kjo mund të ketë qenë si shkak i kanosjes së gruas nga burri i saj.

Në Kosovë, kohët e fundit është rritur dhuna ndaj grave, derisa së fundi është mbajtur edhe një protestë për t’i mbrojtur ato, sidomos kur lajmërojnë policinë.

Ato shpesh thonë se ndihen të kërcënuara, derisa nuk kanë edhe mbrojtjen e duhur nga Policia.