Thaçi e dëshmon me fakte çka kishte thënë Rugova për shkëmbimin e territoreve

Presidenti Hashim Thaçi gjatë ditës së djeshme kishte krahasuar qëndrimin e tij me atë të presidentin, Ibrahim Rugovës, në lidhje me çështjen e kufijve dhe shkëmbimin e territoreve.

Thaçi ka përsëritur se është kundër ndarjes dhe shkëmbimit të territoreve por ka theksuar se e mbështet korrigjimin e kufirit me Serbinë.

“Jo ndarje të Kosovës, por po shkëmbimit të territoreve”, sipas Thaçit ky ishte qëndrimi realist dhe i guximshëm i Presidentit Ibrahim Rugova në vitin 1994.

Pas deklaratës së Thaçit, reaguan bashkëpunëtorët e afërt të presidentit Rugova, shkruan Albinfo.ch.

Milazim Krasniqi ishte njëri nga ata që reaguan pasi që në atë kohë, Krasniqi konsiderohej i afërt me Rugovën.

Krasniqi ka thënë se nuk i kujtohet që Rugova të jetë shprehur ashtu siç ka deklaruar Thaçi.

Në anën tjetër për të vërtetuar atë që ka thënë Rugova, Presidenti Thaçi ka publikuar fakte të cilat e dëshmojnë qëndrimin e atëhershëm të Rugovës.

“E pritshme! Me përjashtime të vogla, disa prej atyre që e promovojnë vetën si bashkëpunëtorë të Presidentit Ibrahim Rugova, po vërtetohet që atëherë, as nuk i kanë dëgjuar, as nuk i kanë kuptuar qëndrimet dhe deklaratat e tij. Së paku, le ta bëjnë një gjë të tillë sot. HTH Më poshtë, lexoni një pjesë të shkëputur nga intervista e Presidentit Ibrahim Rugova dhënë më 1994 për gazetën Zëri”, ka shkruar Thaçi.