Kurti: Dialogu për korrigjim territorial, i padrejtë, i rrezikshëm

Kreu i LVV-së ende nuk ka ndërruar qëndrim për pozicionin e Thaçit në dialogun mes Kosovës dhe Serbisë.

Keystone

Kryetari i Lëvizjes Vetëvendosje, Albin Kurti, ka thënë se dialogu i presidentit të Kosovës, Hashim Thaçi, me presidentin e Serbisë Vuçiq për korrigjim të kufijve e shkëmbim territorial është i padrejtë, i dëmshëm dhe i rrezikshëm.

Në takimin që ka pasur me një delegacion të Partisë Social-Demokrate nga Bundestagu gjerman, të kryesuar nga deputeti  Josip Juratoviq, Kurti është shprehur se ky pazar në tentativë mes presidentësh vjen nga karakteri autokratik i pushteteve të këtyre dy presidentëve, e që është edhe kundër demokracisë dhe kundër Republikës.

“Tani si kurrë më parë nevojitet një komunikim, koordinim dhe solidaritet ndërmjet partive social-demokrate në rajon dhe Evropë”, ka deklaruar Kurti, thuhet në njoftimin e kësaj partie.