Dy marshe në Prishtinë në ditën e personave të zhdukur

Në ditën Ndërkombëtare për Persona të Zhdukur në Prishtinë janë organizuar dy marshe përkujtimore.

Me organizim të Komisioni Qeveritar për Persona të Zhdukur është mbajtur marsh nga ora 16 e 30 deri në orën 16:48 që kishte simbolik për 1648 person të zhdukur.

Në këtë marsh kanë marrë pjesë edhe liderët e institucioneve, të cilët kanë vënë kurora lulesh tek përmendorja dedikuar personave të zhdukur, përcjell albinfo.ch.

Familjarët edhe në këtë marsh kanë kërkuar zbardhjen e eshtrave të më të afërmve të tyre. Ata kanë nga ndërkombëtarët më shumë presion drejt Serbisë në zbardhjen e fatit të të pagjeturve.

Angazhim më i madh për të zbardhjen e fatit të të pagjeturve është kërkuar në marshin e organizuar në mesditë nga Iniciativa e të Rinjve për të Drejtat e Njeriut ka filluar nga sheshi “Zahir Pajaziti” deri tek objekti i Qeverisë së Kosovës, ku qytetarët, të cilët marshuan, kanë mbajtur në duar emrat e të zhdukurve.

Marigona Shabiu nga Iniciativa e të Rinjve për të Drejtat e Njeriut, ka thënë se edhe pas dy dekadave, familjarët e personave të pagjetur dhe shoqëria kosovare po ballafaqohen me mohimin e së drejtës për të vërtetën rreth të pagjeturve.

Gramoz Berisha, i mbijetuari i masakrës së Suharekës, ka thënë se, sikurse familjarëve dhe personave të pagjetur që u mohohet e drejta për të ditur për këta persona, po ashtu edhe atij dhe familjes së tij u mohohet ajo e drejtë.