Berisha e Kurti flasin për dëmet nga shkëmbimi i territoreve

Kurti ka thënë se iniciativa e presidentit Thaçi për të cilën ka thënë është aventurë personale por që paraqet një lojë të rrezikshme

Kreu i Lëvizjes Vetëvendosja, Albin Kurti, ka zhvilluar një takim me ish-kryeministrin e Shqipërisë, Sali Berisha. Të dy kanë dal me qëndrimin se janë kundër idesë së presidentit Hashim Thaçi për shkëmbimin e territoreve.

Berisha tha se gjatë gjithë karrierës së tij nuk ka dëgjuar ndonjëherë të vihen në diskutim kufijtë e Kosovës. Deputeti demokrat u shpreh se është një nga aktet më destabilizuese të rajonit përpjekja e Beogradit për Serbinë e Madhe, për aneksimin e territoreve të Kosovës dhe destabilizimin e Ballkanit.

Berisha u ka bërë thirrje qytetarëve dhe deputetëve kosovarë ti japin fund kësaj situate sipas tij dramatike. Ndërsa Kurti ka thënë se iniciativa e presidentit Thaçi për të cilën ka thënë është aventurë personale por që paraqet një lojë të rrezikshme.

---