Johnson: Referendumi, kyç për anëtarësim në NATO 

Senatori amerikan, Ron Johnson, u ka kërkuar qytetarëve maqedonas të dalin në referendum më 30 shtator.

Sipas tij, marrëveshja e Prespës është e vetmja mënyrë që Maqedonia t’i bashkohet NATO-s.

Senatori Johnson, i cili është takuar me përfaqësues të qeverisë, ka theksuar rëndësinë e referendumit. “Është shumë e rëndësishme për Maqedoninë dhe Greqinë që të zgjidhin çështjen e emrit.

Kemi dy liderë të guximshëm, dy kryeministra, të cilët kanë qenë në një pozitë të vështirë. Ne sigurisht që duam ta mbështesim zgjidhjen e këtij problemi dhe kjo është mënyra e vetme që Maqedonia t’i bashkohet NATO-s”, ka thënë Johnson. 

Senatori amerikan në mbrëmje do të qëndrojë në Prishtinë, ku do të ketë takime me presidentin Hashim Thaçi dhe me kryeministrin Ramush Haradinaj.

 

---