Të rinjtë, pesimistë për të ardhmen në Kosovë

Programi i Kombeve të Bashkuara për Zhvillim UNDP ka publikuar Analizën e Pulsit Publik për çështjet e rinisë që tregon se pjesa më e madhe e të rinjve në Kosovë janë pesimistë lidhur me të ardhmen e Kosovës, përderisa shumica prej tyre konsiderojnë se mungesa e rasteve për punësim, varfëria, nepotizmi dhe korrupsioni janë sfidat kryesore të perspektivës së tyre në Kosovë.

Ky studim është financuar nga USAID në Kosovë, e që analizon perceptimet, qëndrimet dhe pritjet e të rinjve në Kosovë lidhur me kënaqshmërinë e tyre me situatën e përgjithshme në Kosovë, migrimin, arsimin, punësimin, marrëdhëniet ndëretnike dhe perspektivat për të ardhmen. Anketa është zhvilluar në muajin janar të këtij viti me 452 respondentë kosovarë të moshës 14-35vjeç, përcjell albinfo.ch.