Katër këngëtaret e njohura shqiptare nominohen për çmime të rëndësishme

Rita Ora, Dua Lipa, Bebe Rexha dhe Era Istregi janë në garë për çmime të rëndësishme

Këngëtaret shqiptare po vazhdojnë me suksese në skenën ndërkombëtare. Rita Ora, Dua Lipa, Bebe Rexha dhe Era Istrefi kanë fituar shumë çmime në karrierën e tyre, e gjithashtu janë nominuar për çmime të rëndësishme, përcjell albinfo.ch.

Së fundi, dy këngëtaret e njohura shqiptare me famë botërore, Bebe Rexha dhe Dua Lipa janë nominuar në “American Music Awards 2018”.

Bebe Rexha është nominuar në dy kategori me këngën “Meant to Be”, në kategorinë “Bashkëpunimi më i mirë” dhe “Kënga më e mirë kauntri”. Përderisa këngëtarja Dua Lipa është nominuar në kategorinë “Artisti më i ri i vitit”, transmeton “RTV 21”.

Kujtojmë që të dy artistet janë nominuar edhe në “BreakTudo Awards”, ku përveç tyre, të nominuara janë edhe Era Istrefi dhe Rita Ora. Nominimet u bënë drejtpërdrejtë në kanalin “Youtube”, ku në panelin që bëri të ditur nominimet ishte e ftuar Bebe Rexha.

---