PDIU zyrtarizon bashkimin me opozitën në Shqipëri

Kryetari i partisë Çame  PDIU, Shpëtim Idrizi ka zyrtarizuar bashkëpunimin me opozitën në Shqipëri duke u larguar nga koalicioni me PS-në.

Por ky bashkëpunim i ka kushtuar atij pasi tre deputetë në Kuvend të kësaj partie nuk e kanë përkrahur këtë marrëveshje duke u larguar nga partia.

Duke komentuar largimin e tyre, Idrizi tha se ata deputet ndodheshin rastësisht në listën e kësaj partie, megjithëse në jo pak raste janë përzgjedhur për shkak se janë të “fortë” në zonat elektorale ku kanë fituar.

“Për pyetjen që më bëtë, jeni një vit me vonesë, sepse këta deputetë nuk janë as anëtarë të Komitetit të shqiptarëve të Çamërisë. Janë ndodhur rastësisht nëpër listat tona. Në qoftë se do të zgjatem këtu, ju e dini se janë “ekzekutuar” mandati i Tiranës, i Fierit dhe i Elbasanit. Sepse ata dolën në siglën e PDIU dhe që prej ditës së parë votuan mazhorancën. Po të pyesësh sot, ata nuk e dinë ku ndodhet selia e Partisë për Drejtësi, Integrim dhe Unitet”, ka thënë Idrizi

---