Selimi: Ligjet për FSK-në të trajtohen me prioritet

Për këtë ka pasur kritika të mëdha nga anëtari i komisionit nga Lëvizja Vetëvendosje, Rexhep Selimi, i cili theksoi se këto projektligje do të duhej të trajtoheshin me prioritet.

 

Tri projektligjet që kanë të bëjnë me transformimin e FSK-së në ushtri ende nuk janë dërguar për shqyrtim në Komisionin për Mbikëqyrjen e FSK-së nga Qeveria. Për këtë ka pasur kritika të mëdha nga anëtari i komisionit nga Lëvizja Vetëvendosje, Rexhep Selimi, i cili theksoi se këto projektligje do të duhej të trajtoheshin me prioritet.

“Ligjet që kanë të bëjnë me FSK-në kanë mbetur pa ardhur në komision, shpresoj që pas kaq vitesh këto të vijnë në komision, sepse ne prej muajit maj e kemi pasur në agjendë. Mirëpo, tani e dimë që ka një iniciativë për formimin e ushtrisë, dhe nëse vijnë 3 projektligjet në komision, atëherë kemi shumë punë”, tha Selimi, duke shtuar se është për çudi sjellja e Ministrisë së FSK-së për këto ligje.

Por Fatmir Xhelili i PDK-së tha se nuk ka rrezik që të nguten me këtë çështje.

---