Bëhet thirrje për më shumë mbështetje të grave në pozita drejtuese sportive

Ministri i Kulturës, Kujtim Gashi, në hapjen zyrtare të Javës Evropiane Sportive, e cila po mbahet për herë të parë në Kosovë, ka kërkuar që në pozitat drejtuese të ketë më shumë gra.

“Jorastësisht Java Evropiane e Sportit po fillon me këtë konferencë që trajton çështjen e barazisë gjinore dhe diveristetit, duke ritheksuar kështu prioritetet e Qeverisë së Republikës së Kosovës dhe në veçanti të Ministrisë së Kulturës, Rinisë së Sportit për fuqizimin e pozitës së grave dhe vajzave në sport”, ka thënë ministri në fjalën e tij.

Ministri Gashi foli edhe rreth kontributit që sporti përcjell në fuqizimin social, ekonomik dhe politik të grave dhe vajzave.

Ndërsa kryetari i Komitetit Olimpik të Kosovës, Besim Hasani, ka thënë se është mirë që Kosova është bërë pjesë e hartës botërore për barazi gjinore në sport. Gjatë tërë javës do të ketë aktivitete të shumta.