BDI-ja vazhdon fushatën pro referendumit të 30 shtatorit

Bashkimi Demokratik për Integrim ka vazhduar fushatën në mbështetje të referendumit të 30 shtatorit. Në tubimin e mbajtur në sheshin “Skënderbeu” në Shkup, kryetari i kësaj partie, Ali Ahmeti, ka thënë se ata gjithmonë kanë pasur prioritet anëtarësimi në NATO e BE.

Ahmeti po ashtu ka deklaruar se për BDI-në prioritet mbi prioritet ka qenë jetësimi  dhe zbatimi i Marrëveshjes së Ohrit që do të përmbyllet duke miratuar ligjin e gjuhëve dhe së bashku me marrëveshjen që u nënshkrua në Prespë pas referendumit, përcjell albinfo.ch.

“Më 30 shator ne flakim nga qafa një gurë që na peshon tash e 27 vjet. Më 30 shtator nuk do të votojmë vetëm për paqen, stabilitetin dhe sigurinë në vendin tonë, por për mbarë rajonin e Ballkanit Perëndimor, pasi ky është një moment historik edhe për të tjerët”, ka thënë Ahmeti.