Aktakuzë për Pjetër Nrecajn që vrau gruan e vajzën në Gjakovë

Prokuroria Themelore në Gjakovë ka ngritur aktakuzë për vrasje të rëndë ndaj Pjetër Nrecajt, që vrau gruan e tij, Valbonën, muajin e kaluar.

Pos vrasjes së rëndë, Nrecaj akuzohet edhe për mbajtje të armëve pa leje.

“Sipas aktakuzës së Prokurorisë, i akuzuari më 07 gusht 2018, në Gjakovë, në shtëpinë e familjes së viktimës, me dashje ka privuar nga jeta bashkëshorten e tij V.N, dhe vajzën e tij K.N. Ai ka qëlluar me pushkën automatike në drejtim të shtëpisë, si dhe ka qëlluar me armë bashkëshorten dhe vajzën e tij, të njëjtat nga plagët e marra kanë ndërruar jetë”, thuhet në njoftimin e Prokurorisë.

Kurse, muajin e kaluar ishin suspenduar dy policë për tejkalim të autorizimeve, pas raportimit të KTV-së.

Televizioni ka raportuar se si Policia pa vendim të Gjykatës në qershor ia kishte marrë nga shtëpia fëmijët Valbona Markut dhe ata ia kishte dhënë në përkujdesje të akuzuarit Pejtër Nrecaj.