Nga gjithë Kosova marshojnë drejt Prishtinës

Numër i madh automjetesh nga e gjithë Kosova udhëtojnë drejt Prishtinës për ti ardhur në përkrahje protestës së Lëvizjes Vetëvendosja, e cila kundërshton me ngulm idenë e korrigjimit të kufijve, ose akoma më keq, të shkëmbimit të territoreve, shkruan albinfo.ch.

Numër i madh automjetesh nga e gjithë Kosova udhëtojnë drejt Prishtinës për ti ardhur në përkrahje protestës së Lëvizjes Vetëvendosja, e cila kundërshton me ngulm idenë e korrigjimit të kufijve, ose akoma më keq, të shkëmbimit të territoreve, shkruan albinfo.ch.

Protestuesit e parë janë nisur nga qytete të ndryshme të Kosovës, ku Lëvizja Vetëvendosje ka organizuar nisje me transport falas për protestë nga 28 qytete të Kosovës.

Në ora 11:00 protestuesit janë nisur fillimisht nga Dardana, Deçani, Juniku, Peja dhe Sharri; në orën 11:30 u nisën nga Vitia, Istogu, Prizreni dhe Skënderaj, ndërsa në orën 12:00, Lëvizja Vetëvendosja ka organizuar transport për protestuesit nga Podujeva, Drenasi, Gjakova, Gjilani, Hani i Elezit, Kaçaniku, Obiliqi, Klina, Mitrovica, Rahoveci, Shtërpca dhe Suhareka.

Kjo pritet të jetë ndër protestat më të mëdha të organizuar nga opozita kosovare në vitet e fundit.

---