Projektligji për RTK-në, deputetët kundër kanalit për diasporën

Komisioni për Administratë Publike nuk ka arritur ta miratojë dhe ta dërgojë në kryesi Projektligjin për Transmetuesin Publik të Kosovës për shkak të mungesës së kuorumit.

Mbledhja e komisionit është shtyrë për të mërkurën pasi deputetët e opozitës lëshuan mbledhjen sepse nuk pranuan që projektligji të dërgohet në kryesi pa u shqyrtuar në komision vërejtët e institucioneve përkatëse, përcjell albinfo.ch.

Deputetët e pozitës kërkuan që vërejtët në Projektligj të trajtohej mes dy leximeve në seancë plenare, me të cilën nuk u pajtua opozita.

Kryetari i komisionit, Nait Hasani, tha se Qeveria ka vlerësuar se sa i përket buxheti ky projektligj i ka plotësuar kushtet për shqyrtim në komision. Hasani nuk është pajtuar më kërkesën për kanalin e diasporës dhe se ky kanal të ketë redaksi jashtë. “Kush merr përgjegjësi për lajmet e rreme”, ka thënë ai.

Deputeti i LDK-së, Imet Rrahmani, ka thënë se RTK-ja me transmetimin aktual nuk përmbush kërkesat e diasporës.“Pakkush e ka ngrit nevojën e krijimit të një kanali të veçantë. Sa kish me kushtuar hapja e një kanali të ri. Nëse jeni për me hap një kanal të diasporës pa e bë një analizë të mirë hajde po e bëjmë”, ka thënë Rrahmani.