Veseli konfirmon mos largimin e ministrave të PDK-së

Kryetari i PDK-së, Kadri Veseli, ka thënë se asnjë ministër i kësaj partie nuk është dorëhequr. Këto komente Veseli i bëri në një aktivitet të përbashkët me ministrin e Financave, Bedri Hamza, dhe atë të Inovacionit Besim Beqaj, ku përfaqësuesve të bizneseve iu prezantuan reformat e reja fiskale.

“Ne kur hymë këtu, e pyetët ministrin Hamza se a ka dhënë ende dorëheqje? Si mund të japë dorëheqje një ministër që është i guximshëm e vendimmarrës. Partia ime ka partneritet me zhvillimin ekonomik. Unë jam shumë i kënaqur që në krahët e mi janë dy njerëz që po bëjnë një punë të jashtëzakonshme”, ka thënë Veseli.

Të hënën, ministri i Drejtësisë, Abelard Tahiri, ka ofruar dorëheqjen, por dorëheqja e tij nuk është pranuar nga kryeministri e as nga kreu i PDK-së.