Komentuesja e parë e futbollit në Kosovë

Qëndresa Krelani është gruaja që theu akullin në gazetarinë sportive. Ajo është gazetare e sportit dhe komenton ndeshjet e futbollit në Radio Kosova, raporton “Radio Evropa e Lirë”.

Qëndresa ka marrë shumë komente nga meshkujt që e kanë sugjeruar të qëndrojë në kuzhinë sepse “futbolli është për meshkujt”, përcjell albinfo.ch.

Megjithatë, përkundër kësaj ajo nuk e ka ndërmend të ndalet, madje, u ka sugjeruar edhe grave tjera që të provojnë me komentim.

Sipas saj, gratë kosovare janë shumë të suksesshme si Majlinda Kelmendi në xhudo apo Donjeta Sadiku në boks.

Babai i Qëndresës ka qenë futbollist, derisa dëshira e tij ishte që të merrej me gazetari sportive. Tashmë Qëndresa po e realizon ëndrrën e tij.