Mustafa: Disa shtete nuk do ta përkrahin liberalizimin

Ai ka shkruar në Facebook se me mashtrime dhe me politika populliste që nga viti 2016 është humbur shansin të përmbyllet procesi i liberalizimit.

 

Kreu i LDK-së, Isa Mustaf, u është kundërpërgjigjur kritikave të pozitës lidhur me procesin e liberalizimit të vizave. “Individët, që sot flasin se liberalizimi mund të shtyhet deri në vitin 2020 dhe që mundohen ta hedhin gurin te opozita, e dinë mirë se ku është problemi, por iu nevojitet një përbaltje e brendshme për ta arsyetuar veten”, ka shkruar Mustafa.

Ai ka shkruar në Facebook se me mashtrime dhe me politika populliste që nga viti 2016 është humbur shansin të përmbyllet procesi i liberalizimit.

“Ekziston frika reale se shtete të veçanta do të hezitojnë të përkrahin liberalizimin e vizave për Kosovën, duke u frikësuar nga popullistët, të djathtë e të majtë, në vendet e tyre, deri sa të përfundojë procesi i zgjedhjeve në institucionet e BE-së, epilogu i të cilave është vështirë të dihet”, ka thënë kreu i LDK-së.

 

---