Policia zbuloi 12 emigrantë në Smokvicë dhe në Shkup

Emigrantet: Foto: Ilustrim

Dymbëdhjetë emigrantë prej të cilëve gjashtë nga Afganistani dhe një nga Sri-Lanka dje u zbuluan në një automjet me targa të Shkupit në udhëkryqin në fshatin Smokvicë, ndërsa pesë në stacionin ndërkombëtar të autobusëve në Shkup.

Siç citohet në buletinin policor, mbrëmë në orën 20:30 minuta në udhëkryqin në fshatin Smokvicë, nëpunës policorë kanë ndaluar një automjet “volksvagen golf” me targa të Shkupit, të drejtuar nga N.R. (45) nga Haraçina, shkruan AlsatM, përcjell Albinfo.ch.

Gjatë kësaj, në automjet u gjetën shtatë emigrantë, prej të cilëve gjashtë nga Afganistani dhe një nga Sri-Lanka. N.R. u arrestua dhe iu dorëzua nëpunësve policorë nga Stacioni Policor i Gjevgjelisë për procedurë të mëtejshme. Merren masa për zbardhjen e rastit.

Dje në orën 13:00, në Shkup u vërejtën pesë emigrantë që udhëtonin me autobus nga Kumanova. Pas arritjes në Kumanovë ata hynë në taksi, por ishin vërejtur shumë shpejt nga policia, pas çka shoferi dhe udhëtarët ishin mbajtur në Stacionin e Policisë në Karposh.

Me personat ishte kryer bisedë dhe më pas ishin dorëzuar në Qendrën e Pranimit për të Huaj. Po merren masa për zbardhjen e rastit.