Hoxhaj: Rezoluta ishte rezultat i kërkesave të subjekteve politike

Zëvendëskryeministri i Kosovës, Enver Hoxhaj ka shkruan në lidhje me me kundërshtimin e partive opozitare për rezolutën e publikuar dje nga koalicioni qeverisës.

Me anë të një postimi në rrjetin social “Facebook”, Hoxhaj ka thënë se kjo rezolutë është rezultat i kërkesave nga partitë dhe shoqërisë civile për një rol aktiv të Kuvendit të Kosovës në dialogun Kosovë-Serbi, shkruan Albinfo.ch.

“Ky rol do të formalizohej edhe zyrtarisht duke e votuar të gjitha partitë rezolutën meqë përmban të gjitha elementet: reflekton qëllimet tona në dialogun me Serbinë, përcakton epilogun e këtij procesi, përfshinë vijat e kuqe dhe heq çfarëdo dyshimi për atë çka duam të arrijmë në këtë dialog, si dhe i përcakton temat e panegociueshme” ka thënë Hoxhaj.

Sipas tij, kundërshtimi i rezolutës, nga ana e opozitës tregon se nuk ka vullnet politik për t’i dhënë rolin Kuvendit të Kosovës sikursë kanë kërkuar.

“Prandaj sjellja e kundërt konfirmon se nuk ka vullnet politik jo vetëm për ta përmbyllur dialogun por as për t’i dhënë rol Kuvendit sikurse është përsëritur në vazhdimësi”, theksoi Hoxhaj.