Edhe qentë në Angli kundër Brexitit

Rreth 1 mijë qenë dhe pronarët e tyre kanë marshuar këtë javë rreth parlamentit britanik duke kërkuar fundin e Brexitit nëpërmes një referendumi të dytë lidhur me kushtet e daljes së shtetit nga blloku Evropian.

Organizatorët e fushatës Wooferendum argumentonin se edhe kafshët do të vuanin nëse Britania largohet nga BE-ja nga se do të ketë mungesë të veterinerëve dhe rritje të çmimit të ushqimit për kafshë.

Largimi potencial i pasaportës për kafshë, po ashtu është temë e ndjeshme. “Unë e kam themeluar Wooferendumin para një viti sepse ishte shumë e qartë se shumë njerëz ishin të pakënaqur me Brexitin dhe ishte temë e rëndë për shumë kë.

Është subjekt i zbrazët, përcarës dhe nuk do të ju bëjë të popullarizuar nëse në pub filloni të flisni për Brexitin”  deklaroi Daniel Elkan themelues i organizatës.

E në mesin e qeneve që dolën për të protestuar më së shumti kishte bulldog.  Por qenë të shumtë të tjerë kishin pllakate që bartnin në protestë në të cilat shkruante i tmerruar nga Brexiti apo unë nuk jam salsiçe që leh.

Ky marsh i qeneve me pronarë ndryshe ishte përkrahje e fushatës Vota e Popullit për Brexit e që angazhohet që britanikët të votojnë për çfarëdo marrëveshje që kryeministrja arrin me Brukselin.  Deputetja britanike Stella Creasy dhe ish-këshilltari i ish-kryeministrit Tony Blair, Alastair Campbell po ashtu ishin pjesë e këtij marshi .