Maqedonia nis negociatat për aderimin në NATO

“Në bisedime hyjmë të mbushur me optimizëm dhe dëshirë për sukses. Para nesh është rasti që shteti ynë të bëhet anëtar i aleancës më të fuqishme për siguri kolektive, që bashkon shtete me cilësi më të lartë jetese dhe mbi 900 milionë qytetarë”, deklaroi Shekerinska.

 

Maqedonia ka filluar zyrtarisht bisedimet aderuese me NATO-n, deklaroi ministrja e Mbrojtjes e Maqedonisë, Radmilla Shekerinska, në konferencën e përbashkët me ministrin e Punëve të Jashtme, Nikolla Dimitrov dhe koordinatorin kombëtar për NATO-n, Stevo Pendarovski. Me fillimin e bisedimeve aderuese për Aleancën, Maqedonia hyn në fazën e dytë. Faza e parë e procesit filloi me marrjen e ftesës për në NATO, në korrik të vitit 2018.

“Në bisedime hyjmë të mbushur me optimizëm dhe dëshirë për sukses. Para nesh është rasti që shteti ynë të bëhet anëtar i aleancës më të fuqishme për siguri kolektive, që bashkon shtete me cilësi më të lartë jetese dhe mbi 900 milionë qytetarë”, deklaroi Shekerinska.

Ministri i Punëve të Jashtme, Nikola Dimitrov, në konferencën e përbashkët rikujtoi deklaratën e parë të Kuvendit të vitit 1993, kur të gjitha partitë politike theksuan se ardhmërinë e Maqedonisë e shohin në NATO.

---