Konsultime për projektstrategjinë e diasporës

Ministria e Diasporës i fton ekspertët dhe përfaqësuesit e shoqatave, asociacioneve dhe klubeve të diasporës që të marrin pjesë në këto konsultime publike

Ministria e Diasporës përmes një komunikate për shtyp bën të ditur se në ditët në vijim do të organizojë disa dëgjime publike me bashkatdhetarët në Gjermani dhe në Zvicër (Gjenevë).

“Në kuadër të procesit të hartimit të Projektstrategjisë për Diasporën dhe Mërgatën 2013-2018, Ministria e Diasporës e Republikës së Kosovës organizon dëgjime publike në vendet ku ka përqendrim më të madh të pjesëtarëve të diasporës”, thuhet në komunikatë, duke përmendur qytetet si Munih, Shtutgart dhe Dyseldorf.

Ministria e Diasporës e Republikës së Kosovës me këtë rast i fton ekspertët dhe përfaqësuesit e shoqatave, asociacioneve dhe klubeve të diasporës që të marrin pjesë në këto konsultime publike.

Konsultat mbahen në: Munih, Gjermani. Adresa: Blodigstr. 4, Kulturzentrum 2411 (Biblioteka e Qytetit) më 15 mars 2013 me fillim në orën: 17:30; Shtutgart, Gjermani, Landhaus-Str. 62,  70190, 16 mars 2013 duke filluar në orën: 14.00; Dyseldorf, Gjermani, Wichern-Str. 1, 42549 Velbert, 17 mars 2013 në orën 14.00

Për orarin dhe vendin e mbajtjes së dëgjimit publik në vendet e tjera opinioni do të njoftohet në vazhdimësi, thuhet në fund të komunikatës.

Ndërkaq, siç bën të ditur Konsullata e Kosovës në Gjenevë, të dielën, me 24 mars 2013 prej orës 14h00 – 17h00, Ministria e Diasporës bashkë me Konsullatën e Kosovës në Gjenevë organizon dëgjim publik për Strategjinë Kombëtare të Diasporës e cila do të organizohet në hapësirat e Konsullatës në Rue de la Servette 93, 1202 Gjenevë.

Organizatori lut pjesëmarrësit që të konfirmojnë pjesëmarrjen e tyre.