Prestigjiozja angleze e vlerëson Tiranën si qytetin kozmopolit të Ballkanit

Gazeta prestigjioze “The Guardian”  ja ka kushtuar një artikull të detajuar ndryshimit të  kryeqytetit të Shqipërisë  duke thurur lëvdata edhe për punën e kryetarit, Erion Veliaj.

Kjo gazetë e ka vlerësuar Tiranën si qytetin kozmopolit të Ballkanit. “Ndërsa emigrimi mbetet i lartë, Tirana është e mbushur me të rinj që janë kthyer, pasi kanë kaluar vite duke punuar dhe studiuar jashtë vendit.

Vetë Veliaj u largua nga Shqipëria 20 vjet më parë për të studiuar në SHBA, duke u kthyer në Tiranë përfundimisht në vitin 2002.

Tani ai gjen qëllim në tranzitimin nga qyteti i shkuar kaotik drejt të ardhmes “nëpërmjet një dizenjimi urban ekzemplar”, shkruan ndër të tjera në këtë artikull.

Kreu i Tiranës ka folur për vështirësitë që ka hasur në rritjen e qytetit. Nëse plani i Boerit në Tiranë duket i madhërishëm dhe shpesh i paqartë, Veliaj këmbëngul se do të shërbejë për një qëllim praktik.

“Ne nuk mund ta përballojmë shtrirjen urbane sepse nuk mund të përballojmë një metro, e cila kushton 300 milionë euro për kilometër. Unë dhe ekipi im e bëmë zgjedhjen tonë ditën kur morëm atë fluturim për në shtëpi: ta modernizojmë këtë vend me çdo kusht”, thekson Veliaj.