Nga janari ndryshon emërimi i mësuesve në Shqipëri

Kryeministri i Shqipërisë, Edi Rama, paralajmëroi se që nga janari i vitit të ardhshëm do të bëhet ndryshimi për emërimin i mësuesve dhe atë nuk do ta kenë më në përgjegjësi drejtorët apo përgjegjësit e zyrave arsimore.

“Ne jemi duke përfunduar përgatitjet për kalimin në një fazë tjetër të shërbimit nga ana e rrjetit të drejtorive dhe zyrave arsimore dhe përfundimisht në këtë fazë tjetër gjithë procedura e zëvendësimit të mësuesve do të jetë elektronike.

Nuk do të ketë më lidhje fare drejtori me emërime. Do t’i bëjë kompjuteri dhe ai nuk do të shohë se çfarë partie je, ke lekë apo kë ke kushërinj, do të shohë vetëm pikët. Duke filluar nga janari kur fillon gjithë riorganizimi i gjithë shërbimit të arsimit në nivelin e drejtorit”, ka thënë ai, përcjell albinfo.ch.